2024 жылғы 23-24 мамыр аралығында «Тәуелсіз Қазақстандық Аккредиттеу орталығы» КЕМ сыртқы сараптама тобы Шымкент университетінде жұмысын бастады. Сараптамалық топ білім беру бағдарламаларының сапасын, Оқу материалдары мен ресурстарының қолжетімділігін, студенттерді бағалау әдістерін, оқу үй-жайларының жарақтандырылуын және мекемедегі техникалық қамтамасыз етуді зерделейді. Сарапшылар сонымен қатар білім беру процесінің сапасы мен студенттердің қанағаттану деңгейін бағалау үшін оқытушылармен және студенттермен сұхбат жүргізеді. Жұмыс нәтижелері бойынша топ оқу орнын аккредиттеуді ұзарту немесе кері қайтарып алу туралы шешім қабылдау үшін негіз ретінде пайдаланылатын ұсынымдар есебін жасайды.
